Դարչինը շատ տարածված համեմունք է, որը ոչ միայն շատ համեղ է, այլև անչափ առողջարար: Ձեր ուշադրությանն ենք ներկայացնում 20 պատճառ սննդակարգում դարչին ներառելու համար:
1. Դարչինը նվազեցնում է արյան մեջ խոլեստերինի մակարդակը:
2. Այն նաև նվազեցնում է արյան մեջ շաքարի մակարդակն ու շատ օգտակար է 2-րդ տիպի շաքարային դիաբետի դեպքում:
3. Այս համեմունքը պաշտպանում է սրտանոթային համակարգի հիվանդություններից:
4. Օգնում է պայքարել քաղցկեղի դեմ՝ զսպելով քաղցկեղի բջիջների աճը լեյկոզի և լիմֆոմայի դեպքում:
5. Դարչինը կիրառվում է ատամի ցավից ու բերանի խոռոչի տհաճ հոտից ազատվելու համար:
6. Օգնում է բուժել քրոնիկական հազն ու մրսածությունը և արդյունավետ կերպով մաքրում է քթի խոռոչները:
7. Բարելավում է գլխուղեղի աշխատանքն ու հիշողությունը, ինչպես նաև ազատում է նյարդային գերլարվածությունից:
8. Օժտված է հակասնկային, հակաբակտերիալ, հակամակաբուծային ու հակասեպտիկ ազդեցությամբ, ուստի շատ արդյունավետ է կաթնասնկախտի ու ոջիլների դեպքում:
9. Օգնում է մեղմել ցավն ու տհաճ զգացողությունները դաշտանի ժամանակ:
10. Իր հակաբորբոքային ազդեցության շնորհիվ օգնում է մեղմել արթրիտի պատճառով առաջացած ցավը:
11. Դարչինն արդյունավետ միջոց է մարսելախանգարումից, փորլուծությունից, սրտխառնոցից ու փորափքանքից ազատվելու համար:
12. Այն նաև հիանալի բնական միզամուղ միջոց է:
13. Դարչնի մեջ պարունակվող դարչնային ալդեհիդը կանխում է թրոմբոցիտների միացքավորումը (ագրեգացիա):
14. Այս համեմունքը բարելավում է արյան շրջանառությունը, ինչի շնորհիվ ցավը զգալորեն մեղմվում է, բջիջները հագենում են թթվածնով, իսկ նութափոխանակության գործընթացներն արագանում են:
15. Բացի այդ, դարչնն օգնում է մեղմել հոդացավերն ու մկանային ցավերը:
16. Այն նպաստում է իմունային համակարգի ամրապնդմանը, ազատում է քրոնիկական հոգնածությունից, դանդաղեցնում է օրգանիզմի ծերացման գործընթացն ու երկարացնում է կյանքի տևողությունը:
17. Մեղրի և դարչնի խառնուրդն օգնում է մեղմել միջատների խայթածից առաջացած ցավը:
18. Այս համեմունքը նաև մանգանի, երկաթի, կալցիումի և սննդային մանրաթելերի հիանալի աղբյուր է:
19. Սննդին ավելացնելու դեպքում այն կանխում է բակտերիաների աճն ու տարածումը:
20. Բացի այդ, այն շատ համեղ է և յուրահատուկ համ ու բույր է հաղորդում ուտեստներին ու ըմպելիքներին:
Սակայն հարկ է հիշել, որ ոչ մի դեպքում չի կարելի չարաշահել դարչնի գործածությունը, քանի որ այս համեմունքը տոքսիկ է և մեծ չափաբաժնով օգտագործելու դեպքում կարող է առողջական լուրջ խնդիրներ առաջացնել:
Նյութի աղբյուրը՝ med2.ru
