Երիկամների ամենաառաջնային ֆունկցիաներից մեկն արյան ֆիլտրումն է, որի ընթացքում օրգանիզմից դուրս են բերվում ավելորդ հեղուկն ու նյութափոխանակության մնացորդները: Եթե երիկամները ճիշտ չեն գործում, ապա նյութափոխանակության մնացորդները կուտակվում են և հետագայում հիվանդություն են առաջացնում:
Այս ամենը հաշվի առնելով՝ պետք է հասկանալ, որ չափազանց կարևոր է տարբերակել երիկամային անբավարարության նախանշանները:
Ձեզ ենք ներկայացնում 5 նախանշաններ, որոնք գուցե հաճախ անտեսում ենք:
1. Հոգնածություն
Երիկամներն արտազատում են էրիթրոպետին հորմոնը, որը նպաստում է արյան կարմիր գնդիկների ստեղծմանը, որոնք էլ, իրենց հերթին՝ թթվածին են տեղափոխոմ: Այնուամենայնիվ, եթե էրիթրոցիտների քանակը նվազում է, ապա մարդու մոտ սակավարյունություն է նկատվում, ինչն էլ հետագայում կարող է հանգեցնել հոգնածության:
2. Միզապարկի ֆունկցիայի փոփոխություն
Երբ երիկամները սխալ են աշխատում, միզարձակման համակարգը փոփոխության է ենթարկվում, իսկ դա նշանակում է, որ մարդն անդադար միզարձակման կարիք է զգում, այս դեպքում փոփոխվում է նաև մեզի գույնը:
3. Այտուցվածություն
Քանի որ երիկամներն ի վիճակի չեն օրգանիզմից դուրս բերել տոքսինները, ավելորդ հեղուկը կուտակվում է մարմնի այնպիսի հատվածներում, ինչպիսիք են դեմքը, ձեռքերը, ոտքերն ու ոտնաթաթերը:
4. Չորություն, ցան և քոր
Երբ երիկամների աշխատանքը խանգարվում է, տոքսինները կուտակվում են արյան մեջ և հանգեցնում են մաշկի չորության, քորի և ցանի: Ոչ մի դեպքում չպետք է անտեսեք այս նախանշանները:
5. Ցավ գոտկատեղում
Հաճախ գոտկատեղի ցավերն ի հայտ են գալիս երիկամային անբավարարության արդյունքում, նախնական շրջանում ցավեր զգացվում են միայն մի կողմում, ապա՝ երկուսում էլ: Բացի այդ, եթե միայն մի կողմի վրա եք քնում, ապա այդ կողմի երիկամն ավելի շատ կցավի, քան՝ մյուսը:
Երիկամային անբավարարության խնդիրը լուծելու համար, պետք է նախ՝ վերականգնել երիկամների աշխատանքը: Որոշակի փոփոխություններ մտցրեք ձեր կենսակերպ, սկսեք ճիշտ սնվել և մեծ քանակությամբ հեղուկ օգտագործել:
