Ավելորդ քաշը լուրջ խնդիր է, որի դեմ շատերն են պայքարում, սակայն հաճախ անգամ կալորիաների քանակի նվազեցումը չի օգնում ազատվել ավելորդ կիլոգրամներից:
Ձեր ուշադրությանն ենք ներկայացնում նյութափոխանակության հետ կապված 5 սխալ, որոնք խանգարում են նիհարել:
1. Մարդը փորձում է միաժամանակ այրել ճարպերն ու մկանային զանգված ձեռք բերել
Անգամ ամենաինտենսիվ մարզումների դեպքում գրեթե հնարավոր չէ միևնույն ժամանակ այրել ճարպերն ու մկանային զանգված ձեռք բերել, ուստի հարկավոր է կենտրոնանալ դրանցից որևէ մեկի վրա: Սա է պատճառը, որ մարզիկները նախ մկանային ու ճարպային զանգված են կուտակում, այնուհետև ազատվում են ավելորդ ճարպաշերտերից:
2. Մարդու հիմնական խնդիրը կալորիաներն են
Կալորիաների քանակը չպետք է լինի այս կամ այն սննդամթերքից հրաժարվելու պատճառ, ուստի հարկավոր է ճիշտ սնվել, այլ ոչ թե միայն կալորիաները հաշվել:
3. Մարդը հրաժարվում է նախաճաշից, ճաշից կամ ընթրիքից
Ոչ մի դեպքում չի կարելի հրաժարվել ճաշից, ընթրիքից կամ առավել ևս նախաճաշից, քանի որ այդ դեպքում նյութափոխանակությունը դանդաղում է, օրգանիզմը չի ստանում անհրաժեշտ էներգան և սկսում է կուտակել կալորիաները հավելյալ ճարպաշերտերի տեսքով: Բացի այդ, սննդից հրաժարվելու դեպքում քաղցն ուժեղանում է և մեծանում է նորմայից շատ ուտելու հավանականությունը:
4. Մարդn արյան անալիզներ է հանձնում միայն նյութափոխանակության համար պատասխանատու հորմոնների բալանսը ստուգելու համար
Հարկ է հիշել, որ արյան անալիզներն անհրաժեշտ են ոչ միայն հիվանդությունների ախտորոշման համար: Բացի այդ, անհրաժեշտ է ուշադրություն դարձնել նաև այնպիսի գործոններին, ինչպիսին են քաղցն ու էներգիայի վատնումը, քանի որ դրանք կարող են վկայել մետաբոլիկ հորմոնալ ակտիվության մասին:
5. Մարդը կարծում է, որ իր նյութափոխանակության համակարգն ու ճարպակալումից տառապող մարդու նյութափոխանակության համակարգը նույն կերպ են աշխատում
Ճարպակալումից տառապող մարդկանց մոտ նկատվում է հորմոնալ դիսբալանս, ինչի հետևանքով նրանք սովորականից շատ են ուտում: Սակայն նման խնդրի բացակայության դեպքում մարդու նյութափոխանակության համակարգը մի փոքր այլ կերպ է աշխատում, ուստի հարկավոր է հստակ որոշել, թե ինչ է պետք ուտել և որքան ժամանակ է անհրաժեշտ տրամադրել ֆիզիկական վարժություններին:
Նյութի աղբյուրը՝ medikforum.ru
