Կոճապղպեղի արմատը լավ մաքրեք, պարբերաբար ծամեք, մինչև ցավը թեթևանալը: Կարող եք նաև կոճապղպեղն ավելացնել թեյի մեջ: Դա նույնպես շատ օգտակար է:
Մեկ բաժակ ջուրը հասցրեք եռման աստիճանի, ապա 2-3 գդալ երիցուկի չորացրած ծաղիկներ լցրեք ջրի մեջ, 5-10 րոպե անց կրակն անջատեք, թուրմը քամեք, խմեք՝ օրվա ընթացքում : Պարբերաբար այս միջոցից օգտվելու դեպքում ցանկալի արդյունքի կհասնեք: Կարող եք երիցուկի թուրմի մեջ մի փոքր մեղր և կիտրոնի հյութ ավելացնել:
Անանուխի յուղը քսեք քունքերին, մի քանի րոպե շարունակ մատերով մերսեք, ապա հանգիստ պառկեք: 30 րոպե անց ցավը կանցնի: Սրբիչի մեջ մի քանի կտոր սառույց դրեք, ապա սրբիչը դրեք ծոծրակին կամ պահեք քունքերի վրա՝ 15 -20 րոպեի չափ: Օրվա ընթացքում այս գործողությունը կրկնեք մի քանի անգամ:
