Ամերիկահայ ակտիվիստ Քրիստինե Հալաջյանն, ով «Ֆեյսբուք»-ում 160 հազարից ավելի հետևորդ ունի, հրապարակել է ԲՀԿ-ական պատգամավոր Վահե Էնֆիաջյանի օգնական, ԲՀԿ Ուսանողական Խորհրդի նախագահ Լիաննա Մանուկյանի և իր նամակագրությունը:
Ըստ այդ նամակների՝ Էնֆիաջյանի օգնականն իրեն առաջարկել է գումարի դիմաց տարածել դրական հրապարակումներ ԲՀԿ-ի և Գագիկ Ծառուկյանի մասին, Մանուկյանի բնորոշմամբ՝ «գրել գովեստներ ԲՀԿ-ի մասին և քննադատություններ՝ Փաշինյանի և իր թիմի մասին»:
Երբ Հալաջյանը հրաժարավել է առաջարկից, Լիաննա Մանուկյանը գրել է. «Դու գիտես, մենք չենք խնդրում: Հազարավոր անգործ, սոված մարդիկ կան, հաջողություն»:
Նշենք, որ Լիաննա Մանուկյանը հերքում է տարածված նամակագրությունը՝ համարելով դրանք ֆոտոշոփ և հայտարարելով, որ դա իշխանության «ֆեյքերի ձեռքի գործն է»: