Փետրվարի 7-ին Միսս Հայուհի 2018-ը Արենա Զեյնալյանի առաջարկով և «ԱՐԱՐԱՍՏ» ՍՊԸ-ի նախաձեռնությամբ բարեգործական այց կատարեցինք Ռ. Յոլյանի անվան արյունաբանական կենտրոն՝ քաղցկեղով հիվանդ երեխաներին:
Նախաձեռնությանը միացան «ԱՐՏ» մշակութային կենտրոնը, Երազանքի ճանապարհով ՀԿ-ն, «Միասնություն հանուն հայության» ռազմահայրենասիրական բարեգործական ՀԿ-ն, Մաջիք Բալունը, Կարապետ Աթաշյանը, Վահանը, Վաչե Թովմասյանը։
Այցելությանը մասնակցել է նաև ԱՄՆ-ից ժամանած սիրված երգիչ, դերասան Գոռ Եփրեմյանը, ով չափազանց զբաղված լինելով, կարողացավ ժամանակ հատկացրնել այս կարևոր այցելության համար:
Մեզ հետ զրույցում «ԱՐԱՐԱՍՏ» ՍՊԸ-ի տնօրենն ասաց. «Այս երեխաներին իսկապես շատ անհրաժեշտ է դրական էմոցիաներ, ժպիտներ և ուշադրություն: Հասկանալի պատճառներով երեխաների հետ անհատական նկարներ չենք տեղադրում, սակայն այդ նկարները պետք է տպենք, դնենք շրջանակի մեջ և նվիրենք երեխաներին։ Եթե ինչ-որ կազմակերպություն կամ անհատ կարող է բարեգործական հիմունքներով դա անել, շատ շնորհակալ կլինենք: Երեխաների և ծնողների անունից բոլորիդ շնորհակալություն եմ հայտնում նվերների, անակնկալների, մեզ միանալու և բարի գործ կատարելու համար»:
Թող որ աշխարհում բոլոր հիվանդ երեխաները առողջանան և անհոգ ժպտան…
Բարեգործական նախագծին միանալու համար գրեք «ԱՐԱՐԱՍՏ» ՍՊԸ-ի ֆեյսբուքի կամ ինստագրամի էջին :